das momä löschääää das momä löschääää :)

Herzlichs Dankeschön a di freiwillig Füürwehr vom Camping in Cusco!

Mir hend ghofft, dass dPechsträhnä mit üsem Bsuäch wieder verloht, aber leider war das nix.

Im Gegeteil, en Tag spööter hemmer no eis druf gleit.....

Bim mechä hät üsen Boudi füür gfahre und somit au de Understand wo us Holz und tröchnetem Gras bestande hät.

Jetzt chönd mir jo drüber lachä, aber äs hät mol so usgseh als wär üsi Reis in Cusco fertig.

Mir chönd vo Glück rede, sind soviel Lüüt uf em Camping gsi wos üs gholfe hend wos hend chönä. Eis geschreie und umegerenne isch gsi.

Es grösste Problem isch eigentli gar nid üsen Boudi oder äs Dach gsi. Nei üsi grösst Sorg sind die 4 Töff gsi wo au underem Dach gstande sind.

Da mir aber usbildeti freiwillige Füürwehr Manne (und Frauä) i üsem Trüppli gha hend, isch es Füür (meh oder weniger) schnell glöscht gsi.

Zum Dank a alli Helfer hend mir zum Znacht Pizza bstellt und de Tag nomol revue passiere loh. Die einte sind sogar uf üs zuächo und hend gfroged was mir für am nögste Tag für ä Abentüür usdenkt hend. Für üs hät de Tag aber glanged und hend eigentli nu no us Peru wäg wele.

Zum Glück hät äs Füür im Boudi nidgschaded und somit hend mir mit es bizli Hilf vo ChrigiKölbi am nögste Tag üsi Wiiterreis richtig Bolivie chönä aaträttä.

Nomol härzliche Dank a alli Helfer und vor allem an Simon wo sich e Wuchä um de Boudi kümmeret het und au a Chrigi und Kölbi wo üs Begleitschutz geh hend zwüsched Cusco und La Paz.