üsi erst Wuchä

Liäbi Lüüt gross und chlii. Mir wend üs no herzlich für alli Zuästüpf, Gschänkli und Glückwünsch bedanke.

Wil mir am Mentig nid scho am 2 hend wele ufstoh, hend mir am Sunntig Obed sGepäck scho ufgeh. Pünktlich (e Stund spööter wiä abgmacht) hend mir wele iichecke. Leider hend mir dDokument vom Rückfluug dihei vergesse und hend drum sTicket nid übercho. Zersch het de liäb Härr vo Air Berlin üs gar nid welä iichecke, aber üsem Lächlä hät är halt doch nid chönä wiederstoh. Mir sind denn am Morge am halbi 5i wider abgfahre richtig Flughafe. sMami Trüeb isch so liäb gsi und het üs uf de Flughoof düüsed. Wie planed sind mir den mit 10 Minute Verspötig in Chlote acho. Zersch hend mir no müäsä üses Retour-Ticket zeige.... Den hemmer mol no churz angst gha das es üsen Flug gar nid git... aber noch guät 15 Minute und 5 Liter Schweisstropfe hends üs den doch no dFlugtickets geh.

In Berlin hemmer en Ufenthalt vo 5 Stund gha und die Stunde hend und hend eifach nid welä vergoh... Am 12i hemmer den endlich chönä für de Flug uf LA iichecke... Natürlich hät die Dame denn üses Handgepäck gwoge (ganz e dumms wiiib gsi) und mir hend nomol e Gepäckstuck chönä ufgeh für 50 Euro. Hai wiä hämmer üs ufgregt.... Aber wemer ehrlich sind... mir hend anstatt de 6 Kilo, mindestens je 12 Kilo debii gha J Jänu...!!!!. Im Flugi hemmer den 4 Sitz für üs älei gha und 3 devo sind schomol für Tina druf gange. Häjo so än Schönheitsschloof brucht halt au Platz J De liäb Maaakkooo het den aber au mol no ä Pfüsi dörfä machä... Noch ewig langer Ziit hend mir den LA erreicht. Sofort simmer zunere Autovermietig und hend üs än Dodge Mini Van usgsuächt. Es Auto wo fasch alläs cha. Dä grööööscht Luxus hets säg ich eu J

Mir sind den als ersts grad mol inen Subway go ässä... gemäss Marco isch das kein Fastfood Lade. Das isch au sehr gsund und alles isch frisch....Jop J

Die erst Nacht hemmer eigentli welä imne Motel schloofe, aber wils Auto miete türer gsi isch als vermuätäd, hend mir scho die erst Nach im Auto am Strand vo Malibu pfüselet. Herrlich gsi. De morgentlich Spaziergang hend mir natürli au nid verpasst. Am Morge am halbi 7i sind scho etlichi Surfer im Wasser gsi. dWelle sind den aber erst so am halbi 8i cho... die armä hend ziemli lang ide Chälti müäsä warte L

Mir sind den richtig Santa Monica gfahre, an Strand glägä und hend de Surfer dört no zuägluägäd... shät aber au do nid dä huufe Welle gha. Am Nomittag hend mir den ändlich dörfä dusche bi iis chaltem Wasser am Strand. Das isch ächt ä super Gfühl gsi. Mir sind üs zwor vorcho wiä pänner, aber ich glaube so fühled mir üs no öfters i nögster Ziit J

Noch dere super Abchüälig hemmer üs den is schöne Städtli gwoogt. Hajajaj isch das schön J

******

Imne chliine Imputt möchte ich do no sege: de Marco isch Tina totaal am verhungere loh.

Sie chent guäti 3 Moolziite verdrucke pro Tag, aber äs git maximum 2. Aber falls de Marco mol hunger hät, so chas durchuus au mol ä 4i Moolziit geh. Punkt J

******

Noch Santa Monica simmer uf Hollywood go dStärndli zelle... mir wüssed aber bis hüt nöd wiäviel das es sind.

Am Obed hemmer üs den richtig Bakersfield gmacht. Eigentli hemmer jo numä mol chli id Ussequartier vo LA welä go es Auto go suächä, und notzment simmer ix Meile weg gsi uf em Land. Sisch e rechti Distanz gsi und dTina isch scho fasch am verhungere gsi bis mir endlich in Bakersfield acho sind. Zum Glück hets dört grad än Walmart gha und mir hend üs mit em nötigste chönä iidecke. Brot, Avocados, Tomate und Gurke...... Das isch min 1 mol pro Tag üsi Moolziit bis jetzt. Ah und no wichtig mir sind jetzt no stolzi Bsitzer vonore Luftmatraze.

*******

De Vercheeer do inde Staate isch jo de absolut Horrer..... Mir verfahred üs au mit em Navi minimum 3 mol pro Taag .

*******

Noch ere super Nacht uf de Luma, hend mir üs scho am Morge früäh uf dSuächi nocheme alte Toyota Landcruiser gmacht. dTina isch vo Stund zu Stund ungeduldiger wordä... de Marco isch vom Morge bis am Obed begeistereter wordä. Überall Autos... sini Auge hend glüüchted und be jedem ufhülende Motor hettern müäsä nohrmachä.... Brav isch di todmüäd und unbegeisted Tina im total glückliche und begeisterete Marco norgwatschlet bis den au de Marco iigseh het, das es kein Sinn macht e uralts auto be dene Autohändler zsuächä... Mir sind den ufbroche richtig Norde uf Fresno womor vorem Starbucks übernachtet hend.

******

Churze Imputt: Die Starbucks sind würkli scho super Lädä. Gratis WC und gratis Internet.. und die hend geniali Kafi... ABER die chüäläd de ganz Ruum scho am Morge am 7i uf 18 Grad abe. Hai ohni de Fasi verfrührt mä dört inne...

******

Au hüt simmer de ganz Morge vo Garage zu Garage pendlet und hend Autos agluägäd. Leider ohni Erfolg... die hend üs alli so komisch agluägäd womer üses Wunsch Auto gseit hend... never seen this type for years papii papoooo... Tina het den scho bald mol bald de Schnappi gmacht.....

*******

Churze Imoutt: Es isch do ca. 33 Grad und mir tüänd dKlimaalag jo nid laufe loh.... mit em Toyota gits den das au nid.

*******

Wil mir di letschte paar Täg eigentli numä i Garage verbrocht hend, het de lieb Marco de brave Tina mol e Usziit welä gönne und mir sind ad Mono Springs gfahre. Uf em Weg hemmer üs mol wieder bädelet amnä super schönä Bergseeli uf 1800 Meter über Meer. Nochanä simmer wiiterdüüsed ine richtigs Fischerdörfli wie us em Bilderbuäch.

Noch em erste Bier hemmer den au de Rick kännä glärnt. Ganz en liäbä Amerikaner. Er hät üs ä guäti Homepage geh zum Autos suächä... Vo sim Natel us hemmer den au grad no chönä im einte aalüte zum en Termin abzmache wäg äm Charre aaluägä.

Noch em 2te Bierli simmer den wiiters gfahre richtig Mono Springs. Wils den aber zdunkel worde isch, hemmer üs äs Plätzli gsuäch zum pfusä.

******

dTina het sich fasch nid älei us em Auto usätraut go pipi zmache, wil de Marco ihre aageh het, dases do Bärä git...(was au stimmt)..........

******

 

Am nögste morge früäh simmer den richtig Mono Springs gfahre... iiidrücklichi Landschaft. Eifach mega schön... Au do siähts uuus wiä im Film!

 

 

Noch 2 Stund suächä händ mir leider dMono Springs immer nonig gfunde gha. Ich glaube de Rick hät üs do verkakeiert mit dene Springs! Mir sind den uf jedäfall wieder retour gfahre....

Noch 8 Stunde Fahrt (üses Arsch macht jetzt no weh vom lange Auto fahre)

simmer den pünktlich am 7i acho bedem Treffpunkt womor abgmacht hend zum de Toyota aazluege. Nu leider isch niämert dört gsi... De typ hät üs doch tatsächlich versetzt hemmer dänk... De ganz Stress um sust! Mir sind den zum nögste Starbucks und hend dem es E-mail gschickt. Zersch hemmer ihm no ufs Natel aaglüte, aber de het natürli nid abgnoh.

*******

Do wemmer no churz aamerke, dases niä ä Telefonkabine het weme die bruucht! Iiichaufszentrums hend en masse, aber Telefonkabine fasch keini im Vergliiich

*******

Am nögste Morge hemmer den doch no chönä go de Toyota go aluägä..... de isch aber nur no Schrott gsi und mir hend üs zum nögste Toyota Bsitzer uf de Wäg gmacht noch Palm Springs.

******

Für alli wo immer scho sGfühl gha hend das Palm Springs öppis schöns isch....... NEI ISCHS NID

******

in Palm Springs acho, het de Liäb Härr doch ärnsthaft es Telefon nümme abgnoh. Sisch guäti 40 Grad gsi und dTina het mol wieder sgfühl gha das Sie bald verendet ide

Wüäschti... do hät de Marco di blendend Idee gha in Wasserpark zgo. Mir sind worschindli di einzige Erwachsene ohni Chind gsi, aber dBahne sind total spassig gsi. Noch de erste Bahn het dTina scho e gratis Darmspüählig gha. Sie isch den ziiimli difig ufs WC gange J hihihihihihi

Frisch duschet hemmer am Obed nomol probiert dem Spako mit em Toyota azlüte aber de het immernonig abgnoh, also hemmer üs uf de Wäg gmacht zu üsen nögste Termin in Santa Barbara.

In Santa Barbara hemmer üsen Van direkt vor em Meer parkiert. Und am Morge hemmer än sehr romantische Sunneufgang verschlofe... Also mir sind schomol wach gsi.... aber de Ufgang isch den doch nid soooo romantisch gsi zum wach bliiibe J

Noch äm morgentliche Strand rundgang hemmer den au scho üsi erst Parkbuäss entdeckt. Natürli isch vor em Strand Nachtparkverbot gsi....

Am 10i simmer den mol wieder en Toyota go aaluägä. Damol hemmer ändli mol glück gha. De Bsitzer hät dTürä ufgmacht und sAuto isch imne guätä Zuästand gsi ( immerno) also hemmer nid lang gwartet unds kauft. De Brian isch sogar no 1600 Dollar mit em Priis abe. Fasch gschänkt J

 

Voller Freud simmer den uf Santa Barbara äs Stadtli go aaluägä. Es Shopping Paradies....

*******

Zum Thema: in de Staate isch alles günstiger...... jop das stimmt scho....... aber ich dörf immer no nünt chaufe L

*******

Retour bem Auto hemmer au scho die 2. Buäss am Auto gha. 5 Minute simmer zspoot gsi... bösä bösä bösä Polizist! Janu gäll, mir sind den halt no äs Ziitli an Strand glägä und hend üs Gedanke über dinneiirichtig vo üsem neue fahrende Huus gmacht. Und jetzt sitzed mir im Starbucks und mached üs Gedanke wiä mir de Toyota Landcruiser J6 chönd iilösä morn.